पूर्वाधार वाच, काठमाडौं।

मकर जितुमाया स्यारी हाइड्रोपावर लिमिटेडले आफ्नो १७औँ वार्षिक साधारणसभा सम्पन्न गर्दै आर्थिक वर्ष २०८१/८२ को वित्तीय विवरण, कार्यसम्पादन अवस्था, देखिएका चुनौतीहरू तथा आगामी वर्षका प्राथमिक योजनाबारे विस्तृत जानकारी दिएको छ।

अध्यक्षद्वारा वार्षिक प्रतिवेदन प्रस्तुत

साधारणसभामा कम्पनीकी अध्यक्ष सरस्वती राईले वार्षिक प्रतिवेदन प्रस्तुत गर्दै विभिन्न आन्तरिक तथा बाह्य चुनौतीहरूका बाबजुद पनि कम्पनीले उत्पादन, सञ्चालन र आर्थिक व्यवस्थापनलाई सन्तुलित रूपमा अघि बढाउन सफल भएको बताइन्।

आ.व. २०८१/८२ का प्रमुख वित्तीय सूचकांक

कम्पनीले सार्वजनिक गरेको वित्तीय विवरण अनुसार विद्युत बिक्री राजस्व अनुमानभन्दा कम रहन गएको छ।

विद्युत बिक्री राजस्व
अनुमानित: ४३ करोड ९१ लाख ७५ हजार रुपैयाँ
वास्तविक: ३८ करोड ८६ लाख ३२ हजार ४१० रुपैयाँ
अन्तर: ५ करोड ५ लाख ४२ हजार ५९० रुपैयाँ (११.५१ प्रतिशत कमी)

वर्षको कुल नाफा

अनुमानित: १३ करोड २८ लाख ७२ हजार ५१० रुपैयाँ
वास्तविक: ४ करोड ६६ लाख ९४ हजार ५३९ रुपैयाँ
अन्तर: ८ करोड ६१ लाख ७७ हजार ९७१ रुपैयाँ (६४ प्रतिशत कमी)

कम्पनीले वित्तीय अभाव, बैंक ऋण भुक्तानीको दबाब तथा प्रि–पेमेंटसम्बन्धी व्यवस्थाका कारण नाफामा उल्लेखनीय असर परेको जनाएको छ।

साधारणसभाबाट पारित मुख्य निर्णयहरू

साधारणसभाले निम्न प्रस्तावहरू सर्वसम्मत रूपमा पारित गरेको छः
• आर्थिक वर्ष २०८१/८२ को सञ्चालक समितिको प्रतिवेदन स्वीकृत
• लेखापरीक्षकको प्रतिवेदनसहित वित्तीय विवरण अनुमोदन
• आगामी आर्थिक वर्षका लागि लेखापरीक्षक नियुक्त
• कम्पनीका उपनियम तथा व्यवस्थापनसम्बन्धी संशोधन प्रस्ताव पारित

आगामी वर्षका प्राथमिकता तथा कार्ययोजना

कम्पनीले आगामी वर्षका लागि निम्न क्षेत्रलाई प्राथमिकतामा राख्ने जनाएको छः
• विद्युत उत्पादन क्षमता वृद्धि
• वित्तीय संरचनाको सुदृढीकरण
• बैंक ऋणको नियमित तथा समयमै भुक्तानी
• शेयरधनीहरूका लागि पारदर्शिता र थप सुविधा विस्तार
• प्राविधिक तथा प्रशासनिक दक्षता अभिवृद्धि

अध्यक्षको प्रतिबद्धता

अध्यक्ष सरस्वती राईले आगामी वर्ष चुनौतीपूर्ण भए पनि सुदृढ व्यवस्थापन, वित्तीय अनुशासन र दीर्घकालीन योजनामार्फत कम्पनीलाई थप मजबुत बनाउँदै सन्तोषजनक उपलब्धि हासिल गर्ने विश्वास व्यक्त गरिन्।

प्रतिक्रिया दिनुहोस्