पूर्वाधार वाच, काठमाडौं । 

हिन्दू धर्म र वास्तु शास्त्रका अनुसार घरमा कछुवा राख्नु धेरै शुभ मानिन्छ। यसले घरमा खुसी, समृद्धि र सकारात्मक ऊर्जाको सञ्चार गर्दछ।

धार्मिक मान्यता अनुसार भगवान् विष्णुको एक रूप कछुवाको थियो। भगवान् विष्णुले कछुवाको रूप लिए र समुद्रको मन्थनको क्रममा मन्दार पर्वतलाई आफ्नो कवचमा उठाए।

भनिन्छ जहाँ कछुवा हुन्छ, त्यहाँ लक्ष्मीको आगमन हुन्छ। चिनियाँ वास्तु शास्त्र फेंगशुईमा पनि कछुवा राख्नु धेरै शुभ मानिन्छ। कछुवा राख्नाले घर वा कार्यालयमा सकारात्मक ऊर्जा रहन्छ।

घरमा कछुवा राख्नुको फाइदा 

वास्तु शास्त्रका अनुसार घर वा भवनको उत्तर दिशामा कछुवा राख्नाले धनको लाभ र शत्रुहरूको नाश गर्दछ। परिवारका सदस्यहरू सुरक्षित रहन्छन्।

परिवारको मुख्य व्यक्तिको आयु लामो हुन्छ। घरको मुख्य प्रवेशद्वारमा कछुवाको तस्बिर राख्नाले परिवारमा शान्ति कायम रहन्छ र समस्या र नकारात्मक चीजहरूलाई भवनबाट टाढा राख्छ। घरको नकारात्मक ऊर्जा पनि हट्छ।

घरमा धातुको कछुवा राख्नाले घरमा रहनेहरूको मुड राम्रो रहन्छ। यदि व्यवसायीले आफ्नो व्यवसाय गर्ने स्थानको प्रवेशद्वारमा कछुवाको तस्बिर राख्छ भने व्यवसायमा सफलता र धन लाभ हुन्छ र काम धेरै समयसम्म रोकिदैंन।

जसलाई आर्थिक समस्या भएको छ उसले घरमा कछुवा राख्नाले लाभ हुन्छ। यदि कसैलाई धन सम्बन्धी समस्या छ भने उसले घरमा क्रिस्टलको कछुवा ल्याउनु पर्छ। घरमा कछुवा राख्दा परिवारका सदस्यहरूको आयु बढ्छ र उनीहरूलाई थुप्रै रोगबाट टाढा राख्छ।

घरमा रहेको कछुवाले तपाईं र तपाईंको परिवारलाई नराम्रो नजरबाट बचाउँछ। घरमा कछुवा राख्दा परिवारका सदस्यहरूमाझ खुसी र शान्ति आउँछ। नयाँ व्यवसाय सुरू गर्ने क्रममा पसल वा अफिसमा चाँदीको कछुवा राख्नु एकदमै शुभ मानिन्छ।

घरमा कछुवा राख्नाले जीवनमा निरन्तर ऊर्जाको प्रवाहलाई एक समान कायम राख्दछ, जसले गर्दा उतार-चढावहरू कम आउँछ। तपाईंको घर वा कार्यालयमा वास्तु दोषका कारण धेरै उतार९चढाव भएको हुन सक्छ। – मेराे ज्याेतिष डटकमबाट

प्रतिक्रिया दिनुहोस्