पूर्वाधार वाच, संखुवासभा।

अरुण तेस्रो जलविद्युत् आयोजनाको सुरुङ ‘ब्रेक थ्रु’ गरिएको छ। प्रधानमन्त्री पुष्पकमल दाहाल प्रचण्डले मंगलबार सुरुङ ब्रेक थ्रु गरेका हुन् ।

सुरुङ ब्रेक थ्रु कार्यक्रममा बोल्दै प्रधानमन्त्री प्रचण्डले ऊर्जा क्षेत्रको विकासलाई सरकारले उच्च प्राथमिकतामा राखेको बताए ।

प्रधानमन्त्री प्रचण्डले सन् २०२६ मा विकासशील मुलुकमा फड्को मार्ने र २०३० सम्म दिगो विकास लक्ष्य हासिल गर्ने प्राथमिकता निर्धारण गरेर काम गरिरहेको वर्तमान सरकारले पूर्वाधार विकासलाई पहिलो प्राथमिकतामा राखेको बताए।

उनले भने, ‘यस आयोजनाबारे मैले प्रत्यक्ष र अप्रत्यक्ष रूपमा जानकारी लिँदै आएको छु । २०१४ नोभेम्बर २५ मा परियोजना विकास सम्झौतामा हस्ताक्षर भई हाल निर्माणाधीन अवस्थामा छ। हाल परियोजनाको उत्पादनतर्फ ७४.०९ प्रतिशत र प्रसारण लाइनतर्फ ३७.९५ प्रतिशत भौतिक प्रगति भएकामा खुसी लागेको छ ।’

आयोजना निर्माणपछि देशको विद्युत् व्यापारमा महत्त्वपूर्ण योगदान हुने विश्वास उनले व्यक्त गरे ।

प्रतिक्रिया दिनुहोस्