पूर्वाधार वाच, काठमाडौं।

काठमाडौंको नक्सालस्थित बाल मन्दिरको जग्गा प्रकरणमा बाल संगठनका पूर्वउपाध्यक्ष तुलसीनारायण श्रेष्ठलाई नेपाल प्रहरीको केन्‍द्रीय अनुसन्धान ब्युरो ‘सिआइबी’ले पक्राउ गरेको छ । पूर्वउपाध्यक्ष श्रेष्ठलाई सिआईबीको टोलिले शुक्रबार पक्राउ गरेको छ ।

२०४९ सालदेखि २०७२ सालसम्म लगातार न्यून रकममा बाल संगठनलाई हानी नोक्सानी पुर्‍याउने उद्देश्यले सम्झौता गरेको उजुरीका आधारमा उनलाई नियन्त्रणमा लिएको सिआईबीका प्रवक्ता एसपी होबिन्द्र बोगटीले जानकारी दिए ।

सम्झौता नवीकरणका क्रममा समेत अनियमितता भएको दाबी उजुरीमा छ । नक्सालमा रहेको करिव २९ रोपनी जग्गा पछिल्लो सम्झौताअनुसार वार्षिक १ करोड ९ लाख रुपैयाँ तिर्ने गरी लिजमा दिइएको थियो।

बाल मन्दिरको जग्गामा विभिन्न गतिविधि सञ्चालन गरेको आरोपमा २० जनाविरूद्ध वैशाख २७ गते पक्राउ पुर्जी जारी भएको थियो। त्यसमध्ये श्रेष्ठ पक्राउ परेका हुन् ।

पक्राउ पुर्जी जारी हुनेमा तत्कालीन अध्यक्ष रिता सिंह, महाचिव गणेशभक्त श्रेष्ठ, उपमहासचिव सुमन शाक्य, कृष्णशंकर साह, श्यामकुमार आले, सुवासकुमार पोखरेल, मनोहरगोपाल श्रेष्ठ पनि छन् । यस्तै प्रचण्डराज प्रधान, रामकाजी कोने, योगेन्द्रबहादुर शाही र दिपकदास श्रेष्ठविरूद्ध पुर्जी जारी भएको छ।

प्रतिक्रिया दिनुहोस्