पूर्वाधार वाच, काठमाडौं ।

खानेपानी मन्त्री  प्रदीप यादव र नेपाल निर्माण व्यवसायी महासंघका प्रतिनिधिहरुबीच भेटवार्ता भएको छ । शुक्रबार सिंहदरबारमा भएको उक्त भेटमा महासंघले निर्माण उद्योगमा रहेका विविध समस्याहरूबारे मन्त्रीलाई जानकारी गराएको छ ।

भेटका क्रममा मन्त्री यादवले निर्माण व्यवसायीहरूको समस्याबारे आफू जानकार रहेको बताउँदै समस्या समाधानका लागि सक्दो पहल गर्ने प्रतिबद्धता जनाएका छन् ।
महासंघ अध्यक्ष रवि सिंह नेतृत्वको प्रतिनिधिमण्डलले मन्त्री यादवको सफल कार्यकालका लागि शुभकामना पनि व्यक्त गरेको  जनाएको छ ।

प्रतिक्रिया दिनुहोस्