पूर्वाधार वाच, काठमाडौं ।

कालिकोटको पलाँता गाउँपालिकाका अध्यक्ष विष्णु बहादुर रोकाया र उपाध्यक्ष अलैपुरा जैशीले नियमविपरीत भान्से नियुक्त गरेको पाइएको छ ।

अध्यक्ष रोकायाका भान्से दीपेन्द्र बहादुर हमाल र उपाध्यक्षका भान्से रवीन्द्र रोकायालाई मासिक १८ हजार रुपैयाँ गैरकानुनी रूपमा तलबसमेत भुक्तानी गरेको महालेखा परीक्षकको कार्यालयले जानकारी दिएको छ ।

स्थानीय तहका पदाधिकारीले पाउने सेवा सुविधाभन्दा बढी प्रयोग गरी भान्से राखी लेखिएको खर्च नियमसंगत देखिएन । महालेखाले भनेको छ ।

भान्सेलाई भुक्तानी दिएको तलब बराबरको ४ लाख ३२ हजार रुपैयाँ अध्यक्ष र उपाध्यक्षबाट असुल्न समेत निर्देशन दिइएको छ ।

स्थानीय सरकार सञ्चालन ऐन, २०७४ अनुसार पदाधिकारीले तोकिएको सेवा सुविधा बाहेक अरू थप सेवा सुविधा लिन नपाउने व्यवस्था रहेको छ । भने स्थानीय सरकार सञ्चालन ऐन, २०७४ को दफा ८३(८) मा नगर प्रहरी, सवारी चालक, सयस, बगैंचे, प्लम्बर लगायतका पद तथा सेवामा बाहेक करारमा नियुक्त गर्न नपाइने व्यवस्था छ।

प्रतिक्रिया दिनुहोस्