पूर्वाधार वाच, काठमाडौं ।

संसदीय सुनुवाई विशेष समितिमा निर्वाचन आयोगको आयुक्तमा सिफारिस कृष्णमान प्रधानको सुनुवाई गरेको छ ।

बुधबार बैठकमा प्रधानले आफ्नो कार्ययोजना प्रस्तुत गर्दै आफूविरुद्ध परेको उजुरीबारे प्रस्टीकरण पनि दिएका छन् ।

यौनदुर्व्यवहारको आरोप लागेका प्रधानले सफाइ दिने क्रममा जिल्ला अदालतमार्फत उजुरीकर्तासँग मिलापत्र भैसकेको समितिलाई बताएका छन् ।

प्रधानको यसअघि असार २१ गते नै सुनुवाइ हुने तय भएर पनि रोकिएको थियो । यौन शोषण गरेको जस्तो आरोप लागेको भन्दै समितिले २० गते उजुरीकर्ताको कुरा सुनेर बैठक स्थगित गरेको थियो । असार २१ गते तय भएर रोकिएको सुनुवाइ बुधबार भएको हो ।

गत असार ७ गते १० दिनको समय दिएर प्रधानविरुद्ध उजुरी आह्वान भएको थियो । उनीविरुद्ध ४ वटा गम्भीर प्रकृतिका उजुरी परेको समितिले जनाएको छ ।

सुनुवाइ सकिएपछि आज कुनै निर्णय नगरिएको र अर्को बैठक बसेर नियुक्तका लागि सिफारिस गर्ने नगर्ने निर्णय हुने बताईएको छ ।

प्रतिक्रिया दिनुहोस्