पूर्वाधार वाच, काठमाडौं।

मुद्दा मिलाइदिन्छु भन्दै प्रतिवादीको परिवारसँग पैला लिने साइबर ब्यूरोका तत्कालीन प्रहरी निरीक्षक बुद्धि प्रसाद सुवेदीविरुद्ध अख्तियार दुरुपयोग अनुसन्धान आयोगले विशेष अदालत मुद्दा दायर गरेको छ ।

सुवेदीले साइबर अपराध मुद्दा मिलाई दिन्छु भनी प्रतिवादीका दाजुसँग ९९ हजार रुपैयाँ घुस लिएको उजुरी परेको थियो । आयोगका प्रवक्ता नरहरि घिमिरेका अनुसार उजुरी सम्बन्धमा अनुसन्धान हुँदा सुवेदीले घुस लिई भ्रष्टाचार निवारण ऐन, २०५९ अन्तर्गतको कसुर गरेको पुष्टि भएको हो ।

सुवेदीलाई भ्रष्टाचार निवारण ऐन, २०५९ को दफा ३ को उपदफा ‘१’ बमोजिमको कसुरमा बिगो ९९ हजार रुपैयाँ कायम गरी भ्रष्टाचार निवारण ऐन, २०५९ को दफा ३ को उपदफा ‘१’ को देहाय ‘ग’ बमोजिम कैद सजाय माग गरिएको छ ।

त्यस्तै सोही ऐनको दफा ३ को उपदफा ‘१’ अनुसार बिगो बमोजिम जरिवाना हुन मागदाबी लिई बिहीबार विशेष अदालत काठमाडौँमा आरोपपत्र दायर गरिएको प्रवक्ता घिमिरेको भनाई छ।

प्रतिक्रिया दिनुहोस्