पूर्वाधार वाच 
पूर्वाधार वाच, काठमाडौं ।
उपप्रधान तथा अर्थमन्त्री विष्णुप्रसाद पौडेल संसदको संयुक्त बैठकमा आर्थिक बर्ष २०८२/८३ को बजेट सार्बजनिक गरेका छन् । अर्थमन्त्री पौडेलले आगामी आर्थिक वर्ष २०८२/०८३ का लागि १९ खर्ब ६४ अर्ब ११ करोड रुपैयाँ बजेट विनियोजन गरेको जानकारी दिएका छन् ।
अर्थमन्त्री पौडेलले चालुतर्फ ११ खर्ब ८० अर्ब ९८ करोड अर्थात ६०.१ प्रतिशत, पुँजीगततर्फ ४ खर्ब ७ अर्ब ८९ करोड २०.८ प्रतिशत र वित्तीय व्यवस्थापन तीन खर्ब ७५ अर्ब २४ करोड अर्थात १९.१ प्रतिशतको बजेट सार्वजनिक गरेका हुन् ।
अर्थमन्त्री पौडेलले बजेटको स्रोत व्यवस्थापनमा राजस्वको मात्रा १३ खर्ब १५ अर्ब मात्र हुने बताएका छन् । यस्तै वैदेशिक सहायता ५३ अर्ब ४५ करोड रहने र बाँकी नपुग हुने पाँच खर्ब ९५ अर्ब ६६ करोड भने ऋणबाट जुटाउने बजेट उल्लेख गरेका छन् ।
जसमध्ये वैदेशिक ऋणबाट २ खर्ब ३३ अर्ब ६६ करोड व्यवस्थापन गर्ने लक्ष्य लिएको र राजस्व परिचालन र वैदेशिक सहयता तथा ऋणबाट नपुग हुने ३ खर्ब ६२ अर्ब आन्तरीक ऋणबाट व्यहोरिने अर्थमन्त्री पौडेलले उल्लेख गरेका छन् ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्