पूर्वाधार वाच, काठमाडौं ।

भारतीय प्रधानमन्त्री नरेन्द्र मोदीले डोनाल्ड ट्रम्पलाई बधाई दिएका छन् । उनले ट्रम्पलाई बधाई दिँदै उनलाई साथी भनेर उल्लेख गरेका छन्। प्रधानमन्त्री मोदीले सामाजिक सञ्जाल प्लेटफर्म एक्समाफर्त अमेरिकी राष्ट्रपति पदका उम्मेदवार डोनाल्ड ट्रम्पलाई बधाई दिएका हुन् ।

उनले भनेका छन्, ‘ऐतिहासिक चुनावी जितका लागि मेरो साथी डोनाल्ड ट्रम्पलाई हार्दिक बधाई।’

प्रधानमन्त्री मोदीले भने, ‘तपाईंको अघिल्लो कार्यकालका सफलताजस्तै, म भारत-अमेरिका बीचको व्यापक वैश्विक र रणनीतिक साझेदारीलाई थप मजबुत बनाउनका लागि हाम्रो सहकार्यलाई अघि बढाउन उत्सुक छु। आउनुहोस्, हामी हाम्रो जनताको कल्याण, विश्व शान्ति, स्थिरता र समृद्धिका लागि सँगै काम गरौं।’

जानकारीका लागि, डोनाल्ड ट्रम्पले फ्लोरिडामा आफ्ना समर्थकहरूलाई सम्बोधन गर्दै आफ्नो जितको घोषणा गरेका छन्। यद्यपि, उनको जितको आधिकारिक घोषणा भने अझै भएको छैन।

प्रतिक्रिया दिनुहोस्