पूर्वाधार वाच 
पूर्वाधार वाच, ललितपुर ।
नेपाल इन्जिनियर्स एसोसिएसनले प्राविधिक धारका विद्यालयका आन्दोलनरत शिक्षकहरूसँग विशेष छलफल गरेको छ । शुक्रबार एसोसिएसनको पुल्चोकस्थित केन्द्रीय कार्यालयमा उनीहरुका मागको विषयमा विशेष छलफल गरेको हो ।
छलफलमा प्राविधिक शिक्षकहरुले उठाएका जायज माग र समस्याहरूको सम्बोधन तथा दीर्घकालीन समाधानका लागि एसोसिएसनले सक्रिय भूमिका खेल्ने प्रतिबद्धता व्यक्त गरेको जनाएको छ ।
यस्तै सबै सरोकारवाला एवं सम्बन्धित पक्षलाई प्राविधिक शिक्षकहरुको अधिकार सुनिश्चित गर्नका लागि ऐक्यबद्धता जनाउँदै सहकार्यमा अघि बढ्न समेत अनुरोध गरेको छ ।
उक्त छलफल कार्यक्रममा नेपाल इन्जिनियर्स एसोसिएसनका तर्फबाट उपाध्यक्ष इ. प्रकाश केसी, केन्द्रीय सदस्य इ. अनिल पौडेल र निवर्तमान अध्यक्ष इ. डा. हरि दर्लामीको उपस्थिति थियो ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्