पूर्वाधार वाच, काठमाडौं ।

जिल्ला अदालत काठमाडौंले मेडिकल व्यवसायी दुर्गा प्रसाईंलाई पुर्पक्षका लागि थुनामा पठाउन आदेश गरेको छ ।

तीनकुने घटनाबारे दिनभर चलेको थुनछेक बहस पुरा भएसँगै बिहीबार राति काठमाडौं जिल्ला अदालतका न्यायाधीश ध्रुबराज कार्कीले सो आदेश गरेका हुन् ।

उनीसहित अन्य ७ जनालाई पनि थुनामा पठाउन आदेश गरिएको छ । भने ३२ जनालाई धरौटीमा रिहा गर्न भनिएको छ ।

गत चैत १५ गते तिनकुनेमा राजतन्त्र समर्थक आन्दोलनको आडमा प्रसाईंहरुले बबन्डर मच्चाएपछि उनीहरु पक्राउ परेका थिए ।

उक्त घटनामा एक पत्रकारसहित केहीको ज्यान गएको थियो भने धेरै स्थानमा लुटपाट र आतंक मच्चाइएको थियो ।

 

प्रतिक्रिया दिनुहोस्