पूर्वाधार वाच, काठमाडौं।

विश्वव्यापी प्रविधि ब्रान्ड साओमी (Xiaomi) ले नेपालमा बहुप्रतिक्षित रेडमी नोट १५ सिरिज आज काठमाडौंमा सार्वजनिक गरेको छ।

यस सिरिजअन्तर्गत रेडमी नोट १५ प्रो+ ५जी, रेडमी नोट १५ प्रो ५जी, रेडमी नोट १५ ५जी र रेडमी नोट १५ ४जी गरी चार मोडल नेपाली बजारमा उपलब्ध भएका छन्।

फ्ल्यागसिप मोडल: रेडमी नोट १५ प्रो+ ५जी

रेडमी नोट १५ प्रो+ ५जी मा ६,५०० mAh सिलिकन–कार्बन ब्याट्री, १००W हाइपरचार्ज, स्न्यापड्रागन ७एस जेन ४ प्रोसेसर र २०० मेगापिक्सेल क्यामेरा रहेको छ।

उच्च ब्राइटनेस एमोलेड डिस्प्ले, आइसलुप कुलिङ सिस्टम र उन्नत सुरक्षा रेटिङले यसलाई सिरिजको प्रमुख मोडल बनाएको छ।

रेडमी नोट १५ प्रो ५जी र नोट १५ ५जी

रेडमी नोट १५ प्रो ५जी मा मिडियाटेक डाइमेन्सिटी ७४००–अल्ट्रा प्रोसेसर, २०० मेगापिक्सेल क्यामेरा र एआई फिचरहरू समावेश छन्।

नोट १५ ५जी भने सिरिजकै सबैभन्दा पातलो फोन हो, जसमा १०८ मेगापिक्सेल क्यामेरा, ४५W चार्जिङ र उज्यालो एमोलेड डिस्प्ले दिइएको छ।

रेडमी नोट १५ ४जी

नोट १५ ४जी मोडलमा ६,००० mAh ब्याट्री, १०८ मेगापिक्सेल क्यामेरा, १२० हर्ट्ज रिफ्रेस रेट र मिडियाटेक हेलियो जी१०० अल्ट्रा प्रोसेसर रहेको छ।

मूल्य र उपलब्धता

रेडमी नोट १५ सिरिज नेपालभर टेलि डाइरेक्ट प्रा.लि. र वत्स इम्पैक्स प्रा.लि. मार्फत बिक्रीमा ल्याइएको छ। यसको मूल्य २९,९९९ रुपैयाँदेखि ६६,९९९ रुपैयाँसम्म निर्धारण गरिएको छ।

लन्च अफर

लन्चको अवसरमा सबै मोडलमा ९ महिनाको ०% ईएमआई सुविधा र साओमी बड्स खरिदमा विशेष छुट उपलब्ध गराइएको कम्पनीले जनाएको छ।

प्रतिक्रिया दिनुहोस्