पूर्वाधार वाच, काठमाडौं ।

सङ्घीय संसद्मा जलस्रोतको उपयोग र नवीकरणीय ऊर्जा तथा ऊर्जा दक्षतासम्बन्धी दुई छुट्टाछुट्टै विधेयक दर्ता भएको छ । दुवै विधेयक ऊर्जा, जलस्रोत तथा सिँचाइ मन्त्रालयले दर्ता गरेको हो ।

सङ्घीय संसद् सचिवालयका अनुसार राष्ट्रिय सभामा नवीकरणीय ऊर्जा तथा ऊर्जा दक्षतासम्बन्धी विधेयक, २०५१ र प्रतिनिधि सभामा जलस्रोत विधेयक, २०५१ बिहीबार दर्ता भई सुझावका लागि आह्वान गरिएको छ ।

मन्त्रीपरिषद्को गत जेठ २७ गतेको बैठकले दुवै विधेयक दर्ताका लागि स्वीकृति प्रदान गरेको थियो ।

जलस्रोत आयोजनाको विकास र सञ्चालन तथा सङ्घ, प्रदेश र स्थानीय तहबिच जलस्रोतको उपयोगका लागि अधिकारको स्पष्ट बाँडफाँट, जलस्रोतको बहुउद्देश्यीय उपयोगको अभिवृद्धि, भूमिगत जलस्रोतको जल सतहको अनुगमन, पुनर्भरण तथा नियमन गर्ने व्यवस्था जलस्रोत विधेयक, २०५१ मा गरिएको छ ।

नवीकरणीय ऊर्जा तथा उर्जा दक्षतासम्बन्धी विधेयक, २०५१ ऐनका रूपमा आएपछि नेपालमा नवीकरणीय ऊर्जाको विकास तथा वितरणको सहज वातावरण बन्ने ऊर्जा दक्ष प्रविधि र उपकरण प्रयोगमा ल्याउन सकिने विश्वास गरिएको छ ।

प्रतिक्रिया दिनुहोस्