पूर्वाधार वाच, काठमाडौं ।

अन्तर्राष्ट्रिय आपराधिक अदालत (आईसीसी)ले इजरायलका प्रधानमन्त्री बेन्जामिन नेतन्याहू, पूर्वरक्षा मन्त्री योआभ ग्यालेन्ट र हमासका सैन्य कमाण्डर मोहम्मद दिफविरुद्ध पक्राउ पुर्जी जारी गरेको छ।

यसबारे जारी एक विज्ञप्तिअनुसार, आईसीसीको प्रि-ट्रायल चेम्बरले इजरायलले अदालतको अधिकार क्षेत्रमाथि दिएका चुनौतीहरू अस्वीकार गर्दै यो वारेन्ट जारी गरेको हो।

इजरायली सेनाका अनुसार जुलाईमा गाजामा गरिएको हवाई आक्रमणमा मोहम्मद दिफको मृत्यु भएको थियो। यद्यपि, अदालतले हाल उनलाई मृत मानिरहेको छैन।

आईसीसीका न्यायाधीशले भने, ‘तीनै जनामाथि इजरायल र हमासबीचको युद्धका क्रममा युद्ध र मानवताविरुद्धका कथित अपराधका लागि जिम्मेवार रहेको पर्याप्त आधार रहेको देखिन्छ।’

यद्यपि, इजरायल र हमास दुवैले आईसीसीका आरोपहरूलाई अस्वीकार गरेका छन्। आईसीसीद्वारा वारेन्ट जारी भएपछि अब यो यसको सदस्य राष्ट्रहरूमा निर्भर गर्दछ कि तिनीहरूले यसलाई कार्यान्वयन गर्नेछन् वा गर्दैनन्।

यसै वर्ष मे महिनामा, आईसीसीका अभियोजक करिम खानले नेतन्याहू, योआभ ग्यालेन्ट, मोहम्मद दिफ, इस्माइल हानिया र याह्या सिनवारविरुद्ध पक्राउ पुर्जीको माग गरेका थिए।

प्रतिक्रिया दिनुहोस्