पूर्वाधार वाच, काठमाडौं। 

प्रधानमन्त्री केपी शर्मा ओलीले कृषिप्रधान मुलुक नेपालले जीविकाका लागि पनि बाहिरबाट खाद्यान्न आयात गर्नुपर्ने दुरावस्था फेर्नु पर्नेमा जोड दिएका छन् ।  दक्षिण एसियाली किसान सम्मेलनको आज उद्घाटन गर्दै प्रधानमन्त्री ओलीले ६० प्रतिशत जनता कृषिमा संलग्न भए पनि परम्परागत कृषिका कारण खाद्यान्नमा आत्मनिर्भर र निर्यात गराउन सक्ने अवस्था हुन नसकेको बताए ।

उनले युवाहरूलाई विदेश पलायन हुन रोकेर साना साना उद्योगमार्फत आधुनिक कृषिको विकास गरेर मुलुकलाई आत्मनिर्भर बनाउन जोड दिए ।

सम्मेलनमा दक्षिण एसियाका विभिन्न देशका २५ बढी किसान सङ्गठनका प्रतिनिधि सहभागी छन् । दुई दिने सम्मेलनमा दक्षिण एसिया क्षेत्रमा रहेका किसानहरूले भोगिरहेका समस्या र ती समस्या समाधानका विषयमा बृहत् छलफल गरिने जनाइएको छ ।

प्रतिक्रिया दिनुहोस्