म्युनिख, जर्मनी । रुसी आक्रमणका कारण युक्रेनका सबै विद्युत गृहमा क्षति पुगेको र लाखौँ नागरिकले चिसोमा विद्युत् कटौतीको सामना गर्नु परेको युक्रेनका राष्ट्रपति भोलोदिमिर जेलेन्स्कीले बताएका छन् ।

युद्धबाट क्षति व्यहोरेका जनताले जाडोमा विद्युत्को अभाव हुँदा चिसोको पीडा पनि सहन बाध्य भएको उनले जर्मनीको म्युनिखमा शनिबार सुरूभएको सुरक्षा सम्मेलनलाई सम्बोधन गर्दै बताएका हुन्।

जेलेन्स्कीले मस्कोको आक्रमणको चौथो वर्षमा केही दिन अघि अधिकारीहरूलाई सम्बोधन गर्दै उनले भने, “युद्धले दशौँ हजारको ज्यान लिएको छ, पूर्वी युक्रेनलाई ध्वस्त पारेको छ र लाखौँलाई भाग्न बाध्य पारेको छ।”

किएभ र उसका पश्चिमी सहयोगीहरूले मस्कोले युक्रेनको जनसङ्ख्यालाई जानीजानी विद्युत् गृह आक्रमण आरोप लगाएका छन्।

जेलेन्स्कीले भने, “युक्रेनमा कुनै पनि विद्युत् गृह रूसी आक्रमणबाट क्षतिग्रस्त हुनबाट बाँकी छैन ।

प्लान्ट मर्मत गर्ने हजारौं कामदारहरूको प्रशंसा गर्दै उनले भने, “हामी अझै पनि बिजुली उत्पादन गर्छौँ।“

उनले युक्रेनको पश्चिमा–आपूर्ति गरिएको वायु रक्षा प्रणालीको लागि द्रुत आपूर्तिको लागि आह्वान गर्दै भने, “कहिलेकाँही हामी ‘प्याट्रियट्स’ वा नासाएमएसका लागि नयाँ मिसाइलहरू वितरण गर्न सफल हुनेछौँ ।

जेलेन्स्कीले सन् २०२२ को फेब्रुअरीमा युद्ध सुरु गरेका पुटिनलाई एडोल्फ हिटलरसँग तुलना गर्दै भपे ‘उनले आफूलाई जारको रूपमा देख्न सक्छन्, तर वास्तवमा उहाँ युद्धको दास हुनुहुन्छ।

उनले थपे, “युक्रेनमा कसैले पनि विश्वास गर्दैनन् ९पुटिन० हाम्रा जनतालाई युद्धबाट उम्किन दिनेछन्।”

रुस र युक्रेनले अर्को हप्ता जेनेभामा अमेरिकी मध्यस्थतामा वार्ता गर्ने र जेलेन्स्कीले युद्ध अन्त्यका लागि किएभले ‘सबै कुरा’ गरिरहेको बताएका थिए ।

रुसले युक्रेनलाई आफ्नो डोनेट्स्क क्षेत्रबाट फिर्ता लिन माग गरेको छ ।

जेलेन्स्कीले वार्ताका लागि युक्रेन धेरै लचिलो बनेको बताउँदै भने, “युक्रेनले रूसको तुलनामा बढी योगदान गर्न तयार रहेपनि वार्ता सफल हुन नसक्नु दुर्भाग्यको बुरा हो ।”

“अमेरिकीहरू प्रायः छुटको विषयमा कुरा उठाउने गरेको र प्रायः ती छूटहरू युक्रेनको सन्दर्भमा मात्र छलफल गरिन्छ,” उनले भने ।

युक्रेनले आफ्नो पूर्वी क्षेत्र छोड्नु अस्वीकार्य भएको बताएको छ।

जेलेन्स्कीले पुटिनले सन् १९३८ को म्युनिख दोहोर्याउन चाहेको आरोप लगाए । चेकोस्लोभाकिया विभाजित भएको थियो र त्यसको एक वर्षपछि दोस्रो विश्वयुद्ध सुरु भएको थियो।

प्रतिक्रिया दिनुहोस्